Leġjun ta’ Marija
Malta
Dwar il-Leġjun ta’ Marija
Il-Leġjun ta’ Marija hija l-akbar organizzazzjoni appostolika ta’ lajċi fil-Knisja Kattolika. Din twaqqfet f'Dublin, l-Irlanda, fl-1921, minn Frank Duff. Fergħat tal-Leġjun jistgħu jinstabu fi kważi 200 pajjiż, b'aktar minn 10 miljun membru voluntier. Il-Leġjun ta’ Marija huwa mifrux madwar Malta u Għawdex. It-Tessera tirrappreżenta l-ispirtu u l-iskop tal-Leġjun, filwaqt li l- istandard tal-Leġjun huwa l-Vexillum Legionis, mżejjen bil-ħamiema li tirrappreżenta l-Ispirtu s-Santu.
Isma' l-Arċisqof ta’ Malta Charles Scicluna jitkellem dwar l-esperjenza bikrija tiegħu fil-Leġjun ta’ Marija
Il-President tar-Repubblika Myriam Spiteri Debono titkellem dwar il-Leġjun ta' Marija
"Missieri kien żmien twil, jalternaw hu u ħabib tiegħu, bħala President tal-Legion of Mary. Jien, ngħidha fl-appert, naħseb li għalija, il-mod ta' kif tmexxi kumitat, kif iżżomm il-minuti waqt laqgħa, eċċ, ġiet minn meta kont fil-fergħa taż-żgħar, tal-Legion. Din baqgħet isservini għomri kollu."
Intervista fil-Leħen, 26 ta' Mejju 2024.
Intenzjoni ta' Talb
tal-Papa għal Marzu
Għall-Familji fi Kriżi
Nitolbu biex il-familji mkissra jsibu l-kura għall-weġgħat tagħhom fil-maħfra, billi jerġgħu jiskopru l-kwalitajiet ta’ xulxin anke fost id-differenzi ta’ bejniethom.
B’ringrazzjament u gratitudni
Nixtiequ nirringrazzjaw lill-Kunsill Malti għas-Settur tal-Volontarjat għall-għotja ta’ €5,000 mis-Small Initiatives Support Scheme 2024, li l-Leġjun ta’ Marija uża biex jimmodernizza l-websajt tiegħu.
Nixtiequ nirringrazzjaw lill-Kunsill għal għotja oħra ta’ €4,600 mis-Small Initiatives Support Scheme 2025 għall-proġett ‘Taħriġ ghal Kuntatti Aħjar’, immexxi min Carmel Bajada.
Nixtiequ nirringrazzjaw lill-Iskema ta' NGOs tal-Ministeru għal Għawdex u l-Ippjanar għall-għotja ta' 5,000 ewro mill-programm ta' finanzjament għall-Organizzazzjonijiet Volontarji fil-Gżira Għawdxija li l-Leġjun ta' Marija qed juża biex jaġġorna l-faċilitajiet ta' tagħlim tal-membri tiegħu f'Għawdex.
Din l-inizjattiva hija sostnuta permezz tal-“NGO Scheme”, skema ta’ finanzjament mill-Ministeru għal Għawdex u l-Ippjanar għall-organizzazzjonijiet volontarji f’Għawdex.
'Taħrig Għall-Kuntatti Aħjar'
Nixtiequ nirringrazzjaw lill-Kunsill Malti għas-Settur tal-Volontarjat għal għotja ta’ €4,600 mis-Small Initiatives Support Scheme 2025. L-għotja qed tintuża għal proġett imsejjaħ ‘Taħrig Għall-Kuntatti Aħjar’, immexxi minn Carmel Bajada. Ir-ritratt juri l-preżentazzjoni tal-Ittra tal-Konferma.